مــــــآيــــك المــنــتــدى

أنـ..ــفآس رَجٌــل · #**281** (**permalink**) 20-04-2009

اهلا و سهلا ورده
و راح يكون المايك الى

فيان البترو

و شكرا

فيان البرتو · #**282** (**permalink**) 21-04-2009

مشكوور ع الاستضافة خيوووو
بس اني كاتبة من قبل بالمايك
مع اعتذاري

ذهب · #**283** (**permalink**) 15-05-2009

نستضيف من بعد المشرف ماركوس
نختار من بعده العضو المبدع والذي اثبت نفسهـ بوقت قصير
WITE.ANGLE

♫♥♥ŴIŤE♥AŊGŁE♥♥♫ · #**284** (**permalink**) 15-05-2009

(ألحب ليس رواية ياحلوتي في ختامها يتزوج ألابطال)

اولا أحي زميلي ألبصراوي ع ألفكرة ألروعة
وشكر وااااااااايد ع أختياااااااااري
و عراقنا المحتل وسمااااااااء
حياتكم حلوووووة والله
يلى راح أبدي
بسم ألله
اول شي أسمي علاء
والي عرفتوني بأسم
WITE.ANGLE
انا من مواليد 29\5\1988
يعني بعد جم يوم عيد ميلادي
مو تغلسون حبايبي أنتو
وأهم شي عندي ألهدايا
ترى أزعل وألله
وأذا زعلت هاي هية
حاليا طالب كلية شط العرب الجامعة
قسم علوم الحاسبات
المرحلة الثانية
طبعا من مدينة البصرة الفيحااااااء
مدينه الشعراء والعلماء
والبصرة حبي الاول والاخير
لان خذت مني الكثير وانطتني الاكثر
من مشاركات بمهرجانات ومسرحيات
ومسابقات
وراح أبدي وياكم بحيااااااااااااتي
بس لحد يعيب
هع هع هع
انا عندي ثلاث اخوان وثلاث خوات
واسمله عليكم انا بزر الكعدة
ويدمغون علي
اهئ اهئ اهئ
والجماعة كلهم مزوجين بس انا ضال وجهي فالت
ههههههههه
كانت حياتي شوي صعبة
وخاصة في طفولتي
لان فقدت اعز الناس الي من اصدقاء واقارب
لكن الان الحمد لله احسن بكثير
من جنت طفل يكولون يعني
امي وابوي يسولفون يكولون انو انت جنت هادئ
عكس اخوانك كلهم
بس انا كلشي ما اذكر طبعا
من طبيت للمدرسة في الحقيقة
انا جنت اكره المدرسة وااااااايد
بس من لاجاااااارة
المهم طبيت المدرسة بس شنووو مو طبيعي
المعلمات والمعلمين ظلو يضربون بيه المثل من شطارتي
ولان المعلمات يعرفون امي
واخواني كلهم جانو بنفس المدرسة
ف جانت اموري ماشية الحمد لله

وبديت الدوام بالابتدائية وجبت درجات زينه

بس الصراحة شوي عنجرت بالخامس
مادري ليش
نجحت كوووووووووة

وبالسادس فول اوبشن

جبت معدل 98
لان ابوي ذبحني بالدراسة
وبالعطلة جنه نروح نصيف بالشمال
باربيل والسليمانية
وبالمصايف
تخبل والله
ومن نرجع نمر ابغداد
لان بغداد بالنسبة الي
جنة على الكاع
ومن نرجع للبصرة نروح لابو الخصيب
لان عدنه هناك بساتين
هم شوي نغير جوووو

ورحت للمتوسطة

والي جانت مدرسة جذب جيد بذاك الوقت
يعني جانو يردون اقل معدل 85
الحمد لله توفقت بيها
بكل المراحل
وبعدين اجت الاعدادية
شوي هنا بدت الكأبة بكل صراحة
لان تدرون بديت اكره الدراسة
بس هم من لاجارة
بديت اقره من صدك
لحد ماوصلت للسادس
(المعضلة)
يعني هاي المرحلة شد اعصاب والله
تمووووووت
المهم داومت اول شهرين شفت المادة سهلة كلت زين راح اجيب معدل
شو بعدين الاصت وألله
وبدت تصعب الأمووووووور
وبدت ألتعاسة
والصراحة جبت معدل71
شلووووووووني
اهبل هاااااااااااا
يعني جان مو طموحي
بس بعد كلمن وحظه
وردت اعيد السنه بس اهلي
ماشجعوووووووووني
كلولي انت اختاااااااار
وألصراحة جان بودي اعيد ألسنه
بس أذكرت ألميرجنت
وضجت لأن جنت اكرهه
ومحافظه زين
وطلعت من اول سنه
ورحت للكلية
وهنا بدت مرحلة ثانية بحيااااااااااتي
مرحلة ولا أروع
مرحلة جميلة
شنووو جميلة
تخبل وتمووووووت
لان تعرفت على ناس هواي
يعني أصدقاء جدد وصديقات جدد
وطبعا هنا حبي للدراسة تغير ماعرف ليش
يعني بديت أحب الدوام
واضل بالكلية للساعة 4
واذا اجت عطله اكره روووحي
هع
لا والله لان حياة الكلية غير عن حياة الاعدادية
لان كلت بنعرف ناس كثير
منهم الزين ومنهم الشين
وتخليك تختلط بيهم بصورة اكبر
وتعرف مدى اخلاقك وشخصيتك,
يعني و الاختلاط بين البنات
هم نفس الشي
لازم بتعرف كيف تتعامل معاهم
خاصة في المرحلة الاولي
لان البنية اول ماتدخل الكلية
شوي بيكون عقلها (يابس)
يعني بعدهي عايشة بايام الاعدادية
وشوي شوي لحد ماتنفتح عدها العقدة
.
.
.
.
.
حبايب هذه حياتي باختصار
وجان حجيت ألكم اكثر
بس تعرفون مصايب الامتحانات
ع الابواب
وراح انطيكم شويه انطباع عني:
أول شي
طبع شوي مزعج بالنسبة الي
صرررررررررريح جدا
يعني ما اعرف اجامل
وماعرف الخجل
ومثل ماقلت قبل سبب
زعل الكثيرين مني
وطبع راح يموتني

عجوووووووووووووزي

مووووت
بس
والباقي اطباع زينه
يعني مسامح
احب يلي يحبي
وماكره يلي مايحبني
وبخصووووووص ألحب
(ألحب مواجهة كبرى أبحار ضد ألتيار)
جنت أحب بنية هي من قرايبي
بس تعرضت للخيانه من عدها
وماكول غير ألله يسامحها
لان انطيتها كل حبي وتقديري واحترامي
بس للأسف طلعت ماتستاهل
الله يسامحها
ومن ذاك اليوم لليوم خليت شعار بعقلي
(فقد علمتني التجارب أن أتجنب عشق ألنساء وموج ألبحار)
وع فكرة أنا من عشاق القيصر ألرائع
كاظم ألساهر
وألفنانه ألعملاقة أصالة
يعني ثنائي يدووووووووخ
وأنا دايخ وياهم وألله

وألله كريم

وأتمنى ما طولت عليكم
بس حياتي بأختصار
تحيااااااااااااتي للكل
قبلاتي
وانتهيت من ألمايك حبايب
وعذروني جان كتبت أكثر بس
مثل ماكلت ألامتحانات
سلامي

lolo kooala · #**285** (**permalink**) 17-05-2009

ههههههههههههههههههه
يسلمووووووووووووووووو

الحلو · #**286** (**permalink**) 22-05-2009

الموضوع جدا جميل وبنفس الوقت يقرب من الترابط وقوت العلاقات بين اعظاء هذا الملاك الرائع شكرا البصراوي وتقبل مروري تحياتي

زهـــ متميزه ـــره · #**287** (**permalink**) 27-05-2009

ماركوس

كوولش(هاي الواو للفيكه)هع
استمتعت بالقراءه...وحياتك حلوه
وانشالله ترجع لبغداد مثل ماانته تريد..
والله يخليك لاهلك..
وانشالله يكملك بعقلك..هع
وماتتعارك وياي..اهئ

WITE.ANGLE

هم كولش استمتعت لان ماتعبت مختصر..هع
انشالله تتوفق بحياتك
واتمنالك النجاح بحياتك العلميه والعمليه..ياارب

يللا كافي شبع..خخخخخ

تحياتي للجميييع

ƒōℓα · #**288** (**permalink**) 27-05-2009

يس ـــلموـوـوـوـو
ع الموضوع الروع ـهـ

ماركوس~
انشالله يارب ترجع للبغداد
وانشالله الموفقيه بح ـياتك وتح ـقيق كل الاماني
ونورت المايك
تقبل مروري

WITE.ANGLE~

ح ـياتك كللش حلووه خيو
انشالله تستمر بهالشكل
وانشالله تح ـقق كل ماتتمنه
نورت لمايك

تح ـــــــــــــــــياتي
.
.
.

فلهـ الفراهيدي

ƒōℓα · #**289** (**permalink**) 27-05-2009

يس ـــلمـوـوـوـوـوـوـو بصراوي ع الاستضافه >>

وهسه ابـــدي اسولفلكمـ ع ـني
نبدي بالبدايه
بالبطاقه الشخ ـصيه>>
انة من البصرة مواليدي 6/9/1992
من برج العذراء
اكبر خواتــــــي
(صفاتـــي)
.
.
.
شويه ع ـصبيه وكأيبه هاي ازعج شي بيه .
والباقي شويه زين هع

(هواياتي)
.
.
.
اح ـب اكتب شع ـر وخواطر وهمسات
يع ـني كلما اضوج اروح لدفتري واكتب بي

وهذا اخر شي كتبته

~~~~~

•.•• `¯`•.•• $$ياترى هلــ فقدناها $$••.•°¯`•.••

لمسهـ صدق
تسائلتْ ياتُرى هل (الصدق) مازال موجوداً ؟؟؟
هل لصداهُ اثر مــا !!!
هل بقى من يؤيده ُ
امْ ان ح ـياتنا اصبحتْ مسرح نُمثل فيها متى مانشاءْ !!
فـ أن كانت حياتُنا مسرحْ فالمسرحْ يفتقُد الى اداة الصدق ْ
واداتهُ الحقيقة هي الكذبْ
وماعلينا الا تصديق هذا الكذب والتصفيق لهُ
فهل حياتنا كذبة ياترى!!

لمسهـ وفاء

هل فقدناها !!!
ام هي التي تخلت عنّا ؟؟؟
هل لم يعد لصوتِها اثــــرْ !!
ام انها تنادي لكننا نحن من فقدنا سمعنا
لمسهـ حب
هل (الحب) اصبح مجرد كلمهـ تقال؟
ام انه شعور افتقدناه ْ
هل (الحب) مازال ؟
ام انه رحل كما رحل سواهْ

لمسهـ تضح ـيه
هل حُ ـبنا لأنفسنا عمانا عنْ حبنا للناس !!
امْ انَّ حبنا للدنيا هو من عمانا ؟؟
هل من الممكن ان تضحي لاجل صديقك قريبك اهلك وحبيبك ؟؟
ام ان التضحيه اصبحت شيئا اندثر واختفى

لمسهـ ألم
هل مازلنا نشعر بــ (الألم) ؟؟
امـ اننا حتى الشع ــور افتقدناهْ؟؟
هل مازلنا نعيش الحزن ؟؟
ام اننا مللناهْ
لمسهـ ضم ــير
يقال ان الــ (ضمير) هو صوت هادئ لايسمعه احداً الا انتْ ..
يقول لك ما هذا الذي فعلتهْ !! أع ـد التفكير
فياترى هل تجاهلتهْ
ام انك لم تسمعه ْ
من كثر فقدانك لــــــهُ

~هلــ تلك اللمسات فقدناه بالفع ــل
ام انها موجوده ولكننا لانشعر بها !!
~~~~~

واح ـب اقره اشعار هواااي ما احفظهم بس اطلع عليهم

واكثر شاعر احبه

..نزار القباني..

ومن ثم
..بدر شاكر السياب..
~~~~~
وهـــاي خ ـلصت بطاقتـي الشخ ـصيه

يتبـــ>>>ـــــع

ƒōℓα · #**290** (**permalink**) 27-05-2009

~~~مرح ـــلة الطفولة~~~
تبع ـاـا هاي من احله المراحل بعمري

من جنت صغيره يعني بالاشهر ولحد عمري 3 سنين
جنت تلش تلش وكيحه هع
وجنت موته ماما
هاي ح ـسب ميكلولي لأن تـلشي ماأذكر
وجنت اروح ويه بابا للمح ـل دائنما
واصدقـــاء بابا ج ـانو يموتون عليه هع
لأن جنت كلش اضحك
واحجي مكثر هع
وفد ج ـنت ح ـلوه هع
من صار عمري خمس سنين
دخ ـلت روضه (الراهبات)
ومن جنت صغيره جانت المسؤليه تركض وراي كالع ـاده ه’ع
لأن جنت انه الجبيره
ووراي اخت وحده ومبتليه بيها
وجنت اخذها وياي للروضه وشايله جنطتها الجبيره ومشلوع كلــبي بيها هع
من احله الذكريات بهاي المرحلـــه من جان جدو ياخذني للبستان
الـ براس شارعنــا
وجنت الع ـب بالمراجيح الـ بالبستان
بع ـدين من دخلت المدرسه الابتدائيه
سجلت اول مره بمدرسه (الثغر)
داومت بيها اسبوع
بع ـدين انتقلت (للفجر) وبقيت بهاي المدرسه لحد ما رحت للمتوسطه
جنت شاطره تلـش
واطلع كله الاولى
بس بالخامس ابتدائي
جانت ام الاسلاميه تموت من عندي
فجانت كله تخليلي بالثمانين
فجنت انجح الثالثه
بع ـدها صرت صف سادس ورجعت شاطره
جبت بصف سادس ابتدائي بالبكلوريا 98,3

وهاي خلصت مرحله الابتدائية

يتـــــ>>ـــــع