:: مســـؤولة مشـــرفيــــن ::

ღ بنتـے المتميزاتـے ღ · #**221** (**permalink**) 13-03-2009

كااافي خلصت ياهووووووو
طبعا انشلع كلبي يلا خلصت لان عندي امتحان واريد اروح اقره هع
ان شاء ما اكون طولتهه عليكم واستمتعتوا ويايه
واسلم المايك لملكة الجنوب بس بعد ما تردون علي خخخخخ

زهـــ متميزه ـــره · #**222** (**permalink**) 13-03-2009

كلللللللللللش استمتعت..اكيييد
ولو كله اعرفه منج...هع
كووووووووولش طولتي..خخ لاجذب
بس اكييييييد انشغلتي اليوم كوله ضيعتيه وما درستي هاولج (كثولي)..هع

يللا احنا بانتظار ملوكه...انشاالله هم تبدع...

**سمــــاء** · #**223** (**permalink**) 13-03-2009

بنت المتميزات
النة الشرف الكبير بالتعرف عليج
وجدا امتعتينة بقراءة قصة حياتكِ
ان شاء الله النجاح والتفوق بكل مجالات
حيـــاتكِ .....
ونورتي المايك ياوردة
تحياتي ومودتي لكِ

ღ بنتـے المتميزاتـے ღ · #**224** (**permalink**) 14-03-2009

شكرا زهوره وسماء نورتوا
ان شاء تكونون استمتعتوا بالقراءه
هو اصلن اني مكتبت هواي لان ملحكت خخخ
يلا عالجايات
تح ـياتي

قطرة ندى · #**225** (**permalink**) 14-03-2009

بنت المتميزات

صديقتي الغاليـــــــــة...

حبيبتي ابدعتِ بالكتابة....عاشت ايديناتج عمري

ارق تحية لكِ

ღ بنتـے المتميزاتـے ღ · #**226** (**permalink**) 14-03-2009

شكرا حبيبتي ملوكه
خجلتيني هع
نورتيــــــــ

bmw · #**227** (**permalink**) 14-03-2009

حقيقة استمتعت براءة حباتكم

زهرة وبنت (المتميزات)
من اسمهن متميزات بدون تعليق

وهدوء حبيبي
وبراااااايت راح نشتاقلج هواااااااااااي

الي الشرف بمعرفكم
وتحياااااااااااااااااتي العطرة الكم

قطرة ندى · #**228** (**permalink**) 14-03-2009

اجمل تحية..و ارق كلام..

هي تحيــــــــة الاسلام...

الســــــــلام عليكم ...

الموضوع رائع...اسعدني جدآ المشاركة بهِ وكنت انتظر هذا اليوم بفارغ الصبر...

شكرا بنوتة حياتي على الاختيار تسلميلي وردة...

رح ابدي يلا احم احم يلالالا بعدو هيك ياحريم (ههههههه)..

البطاقة الشخصية...

الاسم:ملكة الجنوب .

المواليد:1993

البرج: الحمل

افضل بيت شعري:لاتشكو للناس جرحآ انت صاحبه....لايؤلم الجرح الا من بهِ الألم.

افضل لون:الاخضر...السمائي..الوردي..

افضل اسم بنت:هدى...سارة.

افضل اسم ولد:جعفر...سجاد..رامي.

تاااابع

قطرة ندى · #**229** (**permalink**) 14-03-2009

مرحلة الطفولــــــــة...

انه اصغر اخواني...ماما تعبت بولادتي كلش...وصلت للموت تالي يلا طلعت انه هههه

واخويه ضاج مني كلش...لان هو كان مدلل واجيت انه اخذت مكانه....وجانو كلما يجبوني من الحضانة يوكعوني..اهيء اهيء..

الروضة...

كنت يومية ابجي على ما ماما تسرحلي شعري...وبابا يوديني..كنت اضوج اريد ماما توديني بس ماما ما تلحك...تجي عليها السيارة وتروح للدوام

المهم اروح للروضة بس ابجي...لحد ما نغني النشيد اليومي يلا اسكت...

وتالي نأكل...ونرجع للبيت...بس انه ما كنت ارجع للبيت لان الكل بالدوام....جنت ارجع للبيت جيرانه اهي اهي...واكعد مستحية...واحسب الدقايق والثواني لحد ما يرجعون اهلي..

تالي من كبرت شوي...نقلوني للتمهيدي...الخ..

قطرة ندى · #**230** (**permalink**) 14-03-2009

الابتدائيـــــــــــــــة...

الاول// اااااااه من صف اول ابتدائي...سجلوني اهلي بمدرسة مختلطة علمود اصير وي اخويه واخويه كان بصف خامس...

اول يوم دخلت معجبني الوضع...والاطفال نصهم كانو اولاد وقليل بنات مو مرتبات هههههه فأنه ضجت وما تقربت منهم...

كعدت الرحلةالاخيرة لان كانو كلهم اقزام...ويمي ولد ((عبد)) كلنا عبيد الله...بس انه بذاك الوقت خفت منه...وبس يدك الجرس اهرب اروح لاخويه..

وكنت يومية اضيع مطارة الماي...واروح ابجي لأخوي...بحيث خلصت مطارات السوك كل يوم اشتري واضيع اهي اهي اهي..

بعدين صار صديقي ويمكن كان اسمه احمد او محمد ما اذكر...ماجان عندي صديقات!!!!وهذا الشي كان يزعجني...بس الي هون عليه هو تفوقي بالمدرسة...

الصف الثاني// نفس الشي...بس قدموني صرت الرحلة الثالثة ههههههه....وكعدت يم بنية اسمها بدور وكانت تحبني كلش...

وجنا اول ما نجي للمدرسة...نسأل بعضنا شنو جايبين اكل...واذا نفس الشي جايبين...نظل انطفر ونكول احنه اخـــــــوان((خطية مو بعقلنا هههههههه((

الصف الثالث...نقولني للمدرسة بنات لان اخويه اتخرج من الابتدائية وراح للمتميزين...

عانيت هواية من الدراسة لان كلشي تغير عليه....ونقولني لشعبة ما اعرف بيها احد لان يسيرون ع الابجدية...وظليت ابجي بوقتها...

تالي تعودت وهمين رجعت متفوقة...واخذت المراتب الاولى...

الصف الرابع:: اجينا للبصرة...يا الله..نورنا البصرة مو!!!!

وانتخبوني قدوة مباشرآ حبوني وصارو صديقاتي...وصرت القدوة...وتالي...صارت الحرب اهيء اهيء اهيء

الصف الخامس نفس الشي.

الصف السادس...تفوقت عليهم وطلعت الاولى..دائم بكل الاشهر..آ وحتى بالبكلوريا...طلعت معدل عالي والتحقت بالمتوسطة..المتميزات