يالله خلي نكمل
باعو ترا مابيه حيل اللون وما ادري شنو
رح اسوي الرد مثلي بسيط هع

________________________

::my childhood::

احم احم أعزتي المستمعين
احب احجيلكم اليوم عن طفولتي

أنـــــا أنولدت بل بصره ... وجنت من انا طفل كلش عاقل وفاهي هع
بحيث جانوو أخواني كلش وكحين وانا عاقل وهادئ ودائما انفشخ هع لان جنه نتعارك ويه منطقه القبله بل طابوك هع عبالك فلسطين[تتذكر احمد؟] هع ودائما انا تطيح بيه طابوكه براسي هع
ومره طبو وحتلوووو منطقتنه او انا لبدت وره الكرفانات[من جان بيتنه بسكن الجامعه] ... المهم جنت فقير كلش .. ... بس احمد جان يوكحني ... يعني نسوي شغلات خبيثه مثلا نروح ندك الجرس مال جيران ونشرد أو نكسر الجام مال منطقه هع...خل اسولفلكم مره شصار.... أنا واحمد اخوي[lover hearts] جنه دائما الظهر من
اهلنه ينامون نكلي بيض .. فمره من المرات جنه نكلي بيض جان ينكلب الدهن الحار مال بيض على ايدي واحتركت ايدي هع..
أخوي احمد الذكي شسوه!!!!!
كام ودخل ايدي بل فريز وسد لفريز عليها حتى تبرد ههههههههههه
وبعدين حطاها ع المكيف وانا اصرخ هع
بعدين رجع حطاها بل فريز هههههههههههههههه
بعدين اجت الوالده شافت احمد مدخل ايدي بل فريز هههههههه...
هذا موقف حلو ما رح انساه ..
بعد خلي اتذكرلكم مواقف حلوه...

يتبع

طوط طوط
اعزائي المشاهدين
خلي اسولفلكم عنـ حياتي الدراسيه

_________

ألأـلأـلأـلأول بتدائي:: أول شهر داومته بمدرسه بسكن الجامعه بعدين انتقلنه لبيتنه بل جزائر سنه 1998 .. وداومت بمدرسه البكر::جان وياي حسين ستار::عالي مستواي:: .. واول يوم طبيت بهل صف [استقبلوني بعركه ] هع دارو علي كلهم وحسين او بعد ولك اكثر شي طكوني اهئ اهئ ....
الاثاني لحد السادس بتدائي:: بل ثاني داومت بمدرسه الزحف الكبير ... ولي هسه اتذكر اول يوم داومته بهل مدرسه .. جنه واكفين بأصطفاف واجه المعاون شافني ما واكف وياهم ركعني راشدي لي هسه يعورني ههههههه... وضليت بهل مدرسه لحد ما تخرجت من الابتدائيه ...

الاول متوسط :: بل سادس ابتدائي جبت معدل 93 :: وردت اطب للمتميزيين:: بس جان معدلي ما يكفي ... فأهلي ودوني لمدرسه التحرير[هع] ... وداومت بيها وطاح حضي بحيث كل درجاتي جانت بل 50 ... باخير السنه يمكن جبت معدل 68 ... هع بل كوه يالله نجحت لان ماشاء الله كلش خوش مدرسه هي هع ...

الثاني متوسط لحد ألخامس أعدادي :: بل ثاني اهلي ودوني للفراهيدي ... وجانو ويانا بنات او جانت وياي اختي الوسطانيه .. وجانت كلش سنه حلوه .... بحيث لي هسه اتذكر ايامها [وبصراوي جان وياي] يعني جانت ايام حلوه كلشششششششش .. وجنت كلش استحي بوكتها بحيث اي ابنيه تجي تحجي وياي اصير احمر هههههههه مونفس هسه .. وجنت عاقل كلش بس احب العرايك هع ...
بس بل ثالث متوسط من ودونه لمدرسه الولد .. ترعبلت هع بحيث مره شمرت تكرمون الحذاء ع المدرس هع وردت انفصل هع...وبل رابع هم مخبل كلش واحب اتعارك .. بس هسه بل خامس لا صرت شوي عاقل هع .. لحد الان ما متعارك بس مره وحده يمكن وعركه مو قويه .....


مستواي الدراسي :: بل اول ابتدائي جنت كله الاول وبل ثاني هم .. ولثالث ولرابع .. وصلت للخامس بديت اخرب هع جانت نقطه ضعفي الدرخيات .. ولي هسه ما احبها .. بحيث دائما الي ينزل درجاتي الجغرافيه والتاريخ .. وما انعفي بيهن ... بل سادس أبتدائي .. باخر السنه خلونه نغش هع فطلعت بمعدل عالي ..93 ...

بل اول متوسط كلتلكم شلون جنت كسوووول بحيث طلعت معدل بل 60
بس من رحت للفراهيدي مستواي الدراسي تحسن كلش وضليت اجيب معدلات فوك ل 84 ...
والثالث بل بكلوريا طلعت الاول ع صف الولد بمعدل 88 عااااااااا .. ادري شوي بس احسن من ماكو هع .... بـــل رابع العام جنت شاطر انعفيت ب 8 دروس ... وجبت باخر السنه معدل 90 ... وهسه بل خامس جاي اداوم بشعبه الموهوبين .. ومعدلي بنص السنه 88 ... والاعفاء عندي بكل الدروس بس درسين ما رح انعفي بيهم [الاحياء . والعربي]
يالله كافي شكد حجيت هع


يتبع

بسم الله الرحمن الرحيم

مساء الخير اعضاء
خلينه نكمل مشوارنه بل مايك

أسف اني تاخرت عليكم .....

بسـ جدولي اليومي كلش مخربطُ................

يالله نكمل
------------

خلي أحجيلكم عنـ ::اهتماماتي::

[يعني شنو احب من شغلات]

باعو انا أحب هواي شغلات ..خلي نبدي بل رياضه .. احب العب حديد[كمال اجسام] بس وقت ماعندي لان مدارس وتدرون الواحد من يروح يلعب حديد شكد يتعب يعني لو ينام يوم كامل هم مايشبع هع .... [انا لعبت حديد تقريبا العام بنص السنه] وستمريت شهر واحد زي الفل هع وبعدين كطعت ... وبعدين رجعتلها بل عطله مال صف الرابع ... وهم ضليت شهر وبطلت ..

وبعد أحب الطوبه... كلش احب العب طوبه بس ماكو احد يسويلي واهس بحيث دائما اكل لجماعتي خلي نلعب طوبه ومحد يقبل اهئ ... موقعي بل طوبه [متحرك] يعني ويه الطوبه
وشكد أركض ... وأـتعب هواي بس شنسوي احبها ....

بلياردووو... هل اللعبه كلكم سامعين بيها .. هاي مال طوبات هع... هل اللعبه كلش احبها وتقريبا كل يوم اروح للصاله على مود العبها ... واغلب وانغلب ... بس مستواي بل اللعب يعني قوي ...

______________

هاي شغلاتي الرياضيه ...

هسه خلي نحجيلكم على اهتماماتي الاخره ...

بل انترنت احب .. اتصفح المواقع [ ابحث عن اغاني وصور ]
واحب ادخل منتديات ...واول منتدى مسجل بيه انا هو منتدى > ....... وصارلي بيه تقريبا سنتين ونص .. مشاركاتي بيه 30.087 يمكن ..
هل منتدى عرفني عليه رافد [prince of love ] هو جان مراقب قسم الفراهيدي من سنه 2006 .. وكلالي تعال طب ويانا كلش حلو ...

طبعا انا قبل لا ادخل للمنتديات[يعني سنه 2005] جنت دائما اطب للدردشه .. اكو دردشه اسمها ....... .. ... هاي من الصبح لليل مكابلها وكاعد .. وتعرفت على هواي ولد من بغداد بهل دردشه .. بل اضافه الى ولد من البصره ....
بهل دردشه تعلمت شلون اكتب سريع بل حاسبة .. بحيث اكتب بدون لا اباوع للكيبورد وبسرعه هائله تصل الى 150 كم بل دقيقه هع...
بعدين ضليت اسجل بهواي منتديات ثانويه ..يعني ما ادخل الها .. بس ادخل اخمط مواضيع وصور واغاني...

بعدين رافد كلي رح نسوي منتدى .. اريدك ويانا ... فسوه منتدى هو او علاوي [كنك اوف لف] سوو هذا المنتدى وسموه [كنوكي] هع...
وسجلت بيه ورقم عضويتي 7 ..

استمرينه بهل منتدى وانطوني الولد اشراف عام .. بس انا ما احب الاشراف اصلا .. وشويه وشفت روحي مو كلش ويه الاشراف فكلت لراافد فشاله مني ....

__________________

::أهتماماتي الحاسوبيه هع::
طبعا الكل تدري بيه انا اموت ع التصميم بأستخدام برنامج photoshop ....
وشغلي يعني مو كلش مضبوط .. بس احسن من غيري هع...
أحب اجيب صور وادخلها للفوتوشوب واسوي عليها تأثيرات .. وتطلعلي خلطه حلوه هع..
بس اضوج من شغله وحده ..
وهي:: اوس سويلي توقيع:: هع
والله جماعتي يبدلون تواقيع اكثر من عندي هع وكله براسي تطيح هع
اكعد اتعب بيها نص ساعه.. بعدين انطيه اياه يخليه جم يوم ويبدله!!!!

مو صوجهم هع[والله بسمار]]

منا ورايح بدولار التوقيع هع
والمايعجبه يطك راسه بـل مخده وينام ....

اعتقد هواي حجيت؟؟؟؟
كافي

يتبع هع

..
...
°♫╣╠ღ°BlaCKKnIGhT°ღ╣╠♫° ..
تشرَفتُ حقآ بمُلامسه أحرفك الماسيه المُطرزه بالذهب ..
شآكره لك اخي العزيز على ما قدمته هُنا .. لاعدمنا حضورك المُبهر
واطلالتُك الساحره .. لك من التحايا اعطرها ولك من الود أصدقِه ..
دمت بكُل خير وبأنتظآر مُشآركه الاخ lover hearts ..
...
..

بسم الله الرحمن الرحيم







ابتداءا اشكر صاحب الموضوعي علاوي البصراوي واشكر بلاك نايت الي اختارني بعد ه





والان نبتدي بالتحدث عن حياتنا بالتفصيل وان شاءالله ما انطول عليكم





الهوية



اسمي احمد مواليدي 1989 انولدت في البصرة في مستشفى ابن غزوان الي هي حاليا في الجزائر بس بذاك الوكت ما اعرف وين جانت بالضبط



عدد افراد الاسرة 8 عدد الاخوان 5 وانا السادس



طفولتي



جنت كلش وكيح من اول ما انولدت طبعا وجنت دائما اكعد ابيت جدي ابو امي هواي الي بالتحسينية جنت دائما اكضي العطل يمهم اتونس وجان عندي ديج ابيت جدي اسمه بيركم جان قوي اصعده فوك السطح واشمره وهوه يطير بجناحاته وينزل على الارض




ومن جنة في سكن الجامعة

ومن الاحداث الي ما انساها وتعتبر من الاعمال الشيطانية هع جانوا جماعةاخوي طبعا هذا الحجي جان عمري لو 5 سنوات او 6 المهم جانوا يطلعون من سكن الاساتذةنعبر من جوه السياج ونطلع على الشارع العام المهم جانوا يخلون طابوك على الشارعالعام ومن تجي السيارات الشارع اضلم وتدوس على الطابوك وطبعا تتفلش السيارة والغرضمن هذا العمل انو

نتونس او انسوي روحنا سلابة المهم مرة
مرة فاتت سيارة شرطة فشافونا حاطين طابوك جان يوكفون الشرطة عبالهم سلابة ونزلوا طبعا شردنا بس اخوي وجماعتة عافوني وشردوا هم اكبر مني واسرع وانا ضليت لوحدي اركض والشرطة وراي دخلت من جوه السياج وجان اكو نهر صغير كلش يستخدموه الناس مجاري عبرته ركض جانوا خالين مكان طابوك والشرطة وراي ولحد ما رموا علي طلقتين بس وانا ركض لحد ما رحت وصلت لشارعنا وركض للبيت دخلت للبيت وجهي اصفر هع المهم اخوي وجماعتة عبالهم انكضيت فاخوي رجع للبيت جان انا افتحله الباب فأتفاجأ هوه بس جان حدث حلو وما ينسي لان جنت صغير انا بس وكيح كلش كلش
ومرة هاي هم ويا جماعت اخوي جنا في سكن الجامعة اكو بيوت طابوك واكو بيوت كرفانات المهم احنا جان بيتنا طابوك يعني بناء قصدي وجماعت اخوي هم مثلنا جنا نتفق بالليل كل واحد بالسطح مال بيتهم الساعة ب9 بالليل وكل واحد يلم طابوك ونبدي القصف على البيوت الكرفانات هع نلعب بيهم لعب جانت اعمال شيطانية هاي يعني وناسه
بس جانت الاعمال الشيطانية كثيرة وقوية ما اكدر كلها اكتبها

السادس هم بالزحف نجحت وافتكيت من الابتدائية وبالسادس ايضا خليت مدرسين








يتبع

الثالث هم بمدرسة التحرير وهم خليت اربع مدرسين فيزياء وكيمياء ورياضيات وعربي وطبعا طحت كمال بنهاية السنة بالاحياء لان ما درسته من جنا بكلوريا بس الحمد لله بالدور الثاني نجحت بس بوكتها ما ادري شلون نجحت لان ما قريت نهائيا انا جنت الاحياء الوحيد الي ما اقراه




يتبع