يمعوده الاعضاء بالمنتدددى كولهم مثل خوانج واكيد احنا اخوانج اخت زنوبه لذلك مراح تحسين بنفسج غريبه هنا واي تحتاجينه احنا موجودين شكرا ع الموضوع الرائع ... 

صدك جذب يمعوده
نشيلج بعينه بس انتي كولي متنكطع الكهرباء و اكو خط مال نت
تصير تمام

ها اها انحلت

مع الاسف هيج تحجين جا احنه وين صرنه ههههههههههههههههه

بس تهون الزمن يحكم والناس اتنفذ من غصبا ما عليه

ولو اخوج هسه يكون مسافر لان الموضوع قبل يومين

بس اريدج اتحمدين الله وتشكري ( كولي الحمد لله والشكر اول ) اي عفية

لان اولا اخوج رح يسافر والحمد لله عايش وندعيلة بالموفقية والسلامة

فانتي بهالحالة اتكونين احسن من غيرج بهواي

و هذا اخو واحد وقد يكون الوحيد

بس عن تجربة احجي

حاولي اتفكرين اذا عندج اخوان تلاثة وكلهم مو يمج
واعز الناس الج مو يمج الي قد يكون اكثر من الاخ والاخت

فانتي همينه احسن من غيرج بهاي الحالة

فحمدي الله وشكري

واندعي لاخوج وتواصلي ويا دائما

حته هو يكون مطمئن وانت هماتين




مع تحياتي الج

حبيبتي انتي كلتي انج تحبينه وهوه ايريد ايسافر يعني اذا كان ايريد يتونس او غير شي فاكيد هوه جاي ايشوف السفر مهم بالنسبه اله فانتي ماعندج اله تدعيله بالسلامه والموفقيه
وتحملي ولو الله راح ايكون بعونج بس ان شاء الله راح اتخابرينه وتتطمنين علي

واني ويا اخوية بجوابة الله يصبرج فعلا اني عندي اكثر من اخ مسافرين
وللاسف كل واحد صار عندة 3اطفال لسة مشايفيهم الله يصبرج خيتو ويصبرنة
وانشالله اكون الج احن اخت

تحياتي
بزونة

هلو ادري الموضوع من زمان بس توني شفته اتس اوك حبيبتي الصبر يجي من الله
اذا انتي اخوج انا اختي مسافر بالبدايه عبالي ما حتحمل بس تالي ورا كم يوم اتعودت صح من اتذكر اتاذى بس
صدكيني الصبر يجي من الله وانتي رح تستغربين شلون صبرتي وبعدين هو راجع

ها لو ما راجع ؟ ههههههه اشاقه
صدكي بعدين تصير سوالف

صدك جذب اصلا مشكلتج مو عويصة


احنة كلنة اخوانج واخواتج لا تديرين بال حبيبتي...........اني يمج